5 6 7 April 2013 Rimini 5 October 2013 Leipzig 8 Juni 2013 Pohlheim 12 13 October 2013 Carhaix 13 April 2013 Vienna 14 April 2013 Vienna 18 19 20 Octobre 2013 Cancun 22 March 2013 Zurich-page-001 25 May 2013 Bern 30 March 2013 Belgrade
Make Slideshow by VisualSlideshow.com v1.7
Biography

Nicole McLaren es üna sotunza svizra dal stil oriental ed es activa surtuot sül chomp internaziunal. Ella s'ingascha i'l rom da differentas gruppas da trategnimaint tant in Svizra sco eir a l'ester e cumpara pustüt sco solista, tanter oter in Egipta, in America, in Germania, in Frantscha, in Italia, in Ollanda, Serbia, Mexico ed in Africa dal Süd.

A Turich maina ella cuors chi chattan lö regularmaing e tant in Svizra sco eir a l'ester offerischa ella blers lavuratoris.

Nicole as dedichescha daspö l'on 2001 intensivamaing e cun gronda premura als sots orientals. Eir sch'ella as dà via cun grond plaschair al repertori rich e cumplessiv dal stil oriental, schi dà ella pustüt la preferenza a l'uschedit sot da svout.

Quist stil da sotar tilla es pelvaira üna gronda algrezcha. Nicole s'ha laschada infectar da la magia dal sot da svout e quai surtuot pervi da l'intimità e la cordialità chi definischan il caracter dals movimaints spezifics. Per ella significha quist stil gust da viver in sia fuorma s-chetta ed al medem mumaint chatta ella sotant calma e forza ed in ultra da quai eir üna sort mistica profuonda.

Daspö'l 2001 ha Nicole visità desch ons a l'inlunga il cuors da perfecziunamaint da Maya Farner e var listess lönch imprenda ella pro Amira Shirazi. Ella ha sotà a partir dal 2006 dürant tschinch ons per la gruppa da trategnimaint da l'Egipzian Khaled Seif e fa part 2010/11 a Shirazia, l'ensemble da show dirigi da Amira Shirazi. Ella d'eira 2011 per ün on pro Najma, l'ensemble da show dirigi da Julie Streun. Nicole collavura implü cul quartet chi's cumpuona da Lya Elcagu, Mirimah e da Viviane Gerhard ed ella sota aint il duo cun Shantay al stil Tribal Fusion Martial Arts, creà da sai svess. Ella es la balladunza prinzipala aint il Restaurant Le Cèdre Bellevue aint in Turich ed ha la respunsibilità per tschernar a las otras balladunzas.

In America Nicole balla aint illas scoulas grondas da ballada in Los Angeles: Millennium Dance Complex, Edge Performing Arts Center, International Dance Academy Hollywood ed Dance Garden LA. Ella ha eir fat part a l'ensemble da show Layla and the Lotus Dancers.

Las seguaintas dozentas internaziunalas ed ils seguaints dozents da taimpra internaziunala han influenzà il perfecziunamaint e'l svilup da Nicole:

Jillina

Anasma

Sadie

Hossam ed Serena Ramzy

Sharazad

Beata ed Horacio Cifuentes

Hassan Afifi

Quai chi concerna il sot da svout ha Nicole chattà sainza dubi la plü gronda inspiraziun in Lara Jacobs (Teater da sot Rigolo) ed in Khaled Seif

Lya Elcagu, Mirimah, Viviane Gerhard, Nicole McLaren

Tribal Fusion Martial Arts cun Shantay

Gruppa da trategnimaint da Khaled Seif

Avant co gnir in contact cun l'art da sotar oriental ha ella partecipà dürant ons a l'instrucziun da ballet e d'eira activa sco sotunza dal stil jazz dance. Eir sota Nicole i'l rom da las activitats e cumparsas da si'agna gruppa Harlekin, ch'ella ha fundà dal 2010. Ils commembers da quella band sun Immanuel Witschi al piano, Benno Reichard (violina) e Quirin Sieber a la batteria. I'l teater zürigais "Herzbaracke" nun es ella be cumparüda cun la fuormaziun Harlekin mobain eir cun la cuntschainta band da tschiainders Ssassa, cun la quala ella collavura amo hoz.


Nicole sota tanter oter eir cun la band Balkan Orient Ensemble.

Daspö l'on 1999 trenescha e pratichescha ella il stil da Kimura Shukokai Karate e s'ha partecipada i'l rom dals trenamaints a turniers sün tuot il muond. Intant posseda Nicole la tschinta naira da l'uschedit "prüm dan".

Ella ha conclüt a l'Università da Turich ün stüdi da germanistica ed anglizistica cul diplom sco Master of Arts e lavura sperapro al sot eir amo sco schurnalista.